Кайбыч укучылары каникулга чыга

Санитар-эпидемиологик вәзгыятькә һәм дистанцион укуга күчүгә бәйле рәвештә, уку процессының катлаулылыгын укучылар һәм укытучылар гына түгел, ата-аналар да сизде. Шуңа күрә алар да каникулларга балалардан артыграк сөенәдер. Быел мәктәпләрдә «Соңгы кыңгырау» бәйрәме үткәреләме соң?
– Укучыларны гомергә истә калучы мондый бәйрәмнән мәхрүм итәргә ярамый. Әлеге бәйрәм урта мәктәпләрдә 29 майда узачак. Хәзер директорлар белән аны үткәрү форматы турында сөйләшәбез, –диде мәгариф бүлеге начальнигы Илмас Хәмидуллин.