Кайбычның Бөек Ватан сугышы ветераннарына юбилей медальләре тапшыру дәвам итә

 Чүти, Ябалак авылларында яшәүче сугыш ветераннары Касыйм Козлов, Әмәнулла Хәмидуллин да аның кулыннан бүләк алды. Медаль һәм бүләк тапшыру тантанасында Чүти, Ябалак авыл җирлекләре башлыклары Петр Тараканов белән Мөслимә Гыйззәтуллина да катнашты. Район башлыгы ветераннарның сәламәтлекләре, тормыш- көнкүрешләре, проблемалары белән кызыксынды.

- Сез Бөек Ватан сугышында сәламәтлегегезне, гомерегезне кызганмыйча, безнең якты, матур тормышыбыз өчен дошманга каршы көрәшкәнсез. Барлык халкыбыз исеменнән сезгә олы рәхмәтемне җиткерәм. Бөек Җиңүнең 75 еллык юбилее якынлаша. Алдагы көннәрдә дә ныклы сәламәтлек, тыныч, имин картлык телим, - диде Альберт Илгизәрович ветераннарга медальләр тапшырганда.