Кайбыч таңнары
  • Рус Тат
  • Транспорт корбаннары булмагыз

    Көзге-кышкы чорда җәяүлеләрне таптату очраклары арта.

    Агымдагы елның 9 аенда республика тер­ритория­сен­дә җәяүлеләрне таптатуның 1301 очрагы тер­кәлгән. 136 кеше транспорт корбаны булган, тагын 1238е төрле дәрә­җәдәге тән җәрә­хәтләре алган. Җәяүлеләр өчен юл аша чыгу урыннарында 322 таптату очрагы кү­зә­тел­гән: 21 кешенең гомере өзелгән, 322се яраланган.

    Көзге-кышкы чорның сентябрьдән декабрьгә ка­дәр­ге аралыгында җәяү­ле­ләрне таптату очраклары аеруча еш күзәтелә. Транспорт хәрәкәтенең ешлыгы һәм начар һава шартлары юлларда йө­рү­челәрдән аеруча игътибарлы булуны таләп итә.

    Җәйнең өч аенда уртача 500 шундый очрак тер­кәлә. Көзге чорда бу күр­сәткеч 20 процентка арта. Бәхетсезлек еш кына (70%) автомобиль йөртү­че­ләр гаебе белән була. Юл аркылы җәяүлеләр чыгу урыннарында таптатулар саны ике тапкыр диярлек арта.

    Бу урыннарда шоферларга юл йөрү куркынычсызлыгын тәэмин итә торган тизлекне сайларга ки­рәк. Юл йөрү кагыйдәләрен һәркем төгәл үтәргә тиеш. Тәүлекнең караңгы вакытында җәяүлеләргә үзләренең киемнәрендә яктылыкны кире кайтара торган әйберләр (мисал өчен браслетлар) кулланырга киңәш ителә. Фараларның якын утын кабызып йөргәндә, җәяүлеләрне күрергә мөмкин булган ара 25-30 метрга тигез. Җәяүледә яктылыкны ки­ре кайтара торган браслет булганда, бу ара 130-140 метрга, ерак ут­ны кабызганда 400 метрга кадәр җитә. Татарстан Республикасы буенча Эч­­ке эшләр министрлыгының Дәүләт автоиспекциясе юл хәрәкәтендә катнашучыларны аеруча игъ­­тибарлы һәм сак булырга, юл йөрү кагыйдәләрен үтәргә, юлның хаталарны кичермәвен истә тотарга чакыра.

    Нравится
    Поделиться:
    Реклама
    Комментарии (0)
    Осталось символов: