Янгын фаҗигага китерде

Янгында янып үлгән ир йортның ишеген эчтән бик­ләгән була, коткаручыларга юлны киртәләү өчен керү юлына җиһазлар өеп куеп, тәрәзә пәр­дәсенә ут төрт­кән. Өйдәш хатыны утны сүндерергә тырыша тырышуын, әмма аракы күп эчүдән аңы томаланган өй хуҗасы калган пәрдәләргә дә туктаусыз ут төртә. Үгетләүләр дә ярдәм итми. Үз-үзен белештермәгән ир хатынга солярка сибү бе­лән яный. Бәхеткә, урамнан үтеп баручы хатын яр­дәмгә ташлана, өйдәш хатыны тәрәзәне ватып, янучы өйдән чыга. Р.Р.Миңнуллин үзе тө­тенгә буылып үлә.

Хәзерге вакытта бу очрак буенча тикшерү эше алып барыла. Статистика мәгълүматларыннан кү­ренгәнчә, кышкы чорда янгын чыгу куркынычы арта. Дәүләт янгын күзәт­челеге идәрәсенең Апас муниципаль районындагы Дәүләт янгын күзәтчелеге бүлекчәсе начальнигы Илдар Вәлиев фикеренчә, һәр йорт хуҗасына уяулыкны арттырырга кирәк. Шулай ук ялгыз яшәүчеләр һәм аек булмаган яшәү рәвеше алып баручыларга карата контрольне көчәйтү ( спиртлы эчемлекләр кулланучы, бер җирдә дә эшләмәүче кешеләр кичләрен еш кына бергә җые­лалар) зарур. Җил­ле-буранлы көннәрдә янгын бө­тен авылга таралырга мөмкин икәнлеген дә оныт­маска кирәк. Авыл халкы янгын сүндерү бүлеге хезмәткәрләренә яр­дәмгә килсен, гражданнар белән профилактик әңгәмәләр алып барылсын иде. Төзек булмаган мичләр һәм электр приборлары да куркыныч тудыра. Яңа ел бәйрәмендә, каникулларда чыршы янында өлкәннәрдән тыш петардалар һәм фейерверклар куллану тыела. Кышкы салкыннарда артык кызу ягылган мунча да янып китәргә мөмкин, шуңа күрә һәр йортта янгын сүндерүнең беренчел чаралары - ут сүн­дергеч булырга тиеш. Янгын куркынычсызлыгы таләпләренең барысын да төгәл үтәү генә сезне күңел­сезлек­ләрдән саклап ка­ла ала.