Алар мәктәпкә бара!

"Өмет" халыкка социаль хезмәт күрсәтү педагогы оештырган дәрескә быел беренче сыйныфка укырга керүче сабыйлар һәм аларның сыйныф җитәкчесе чакырылган иде. Уен рәвешендә бер-берсе белән танышкач, булачак укучыларның фикерләү сәләтен, җитезлеген тикшерү өчен биремнәр үтәделәр. Әңгәмә барышында балаларның осталыгы да ачыкланды. Дәрес башында оялып, тартынып торсалар да, алар тиз арада уртак тел табып, бердәм коллективка тупландылар. Бүләкләр алгач, шатланып, күтәренке кәеф һәм тизрәк мәктәпкә укырга бару теләге белән өйләренә таралыштылар.