Кайбыч таңнары

Кайбыч районы

18+
Рус Тат
2024 - год Семьи
Көн темасы

Бәхетен туган якта тапкан

- Савымчы һөнәрен хатын-кызларныкы гына дип уйлаучылар тирән ялгыша. Аңа калса, шофер һөнәре дә гүзәл затлар өчен түгел дә бит, шуңа карамастан, руль артына утырган ханымнар саны арта. Минемчә, һәр кеше үз эшен яратып башкарырга, ә хезмәте аңа шатлык китерергә тиеш, - ди Бәрлебаш авылы савымчысы Илгиз Борһанов.

Илгиз эшләгән ферманы бүген танырлык түгел. Са­вылган сөт сөт­үткәр­геч­ләр­дән ага, чиләк-чи­ләк сөт ташып интекми­ләр. Ферманың үзен дә зур чыгымнар тотып, заманча төзелеш материаллары белән ремонтладылар, реконструкция үткәр­де­ләр. Элеккеге кебек тә­рә­зәләрдән җил дә өрми, түбәдән су да акмый. "Без хәзер "Татарстан - Яңа гасыр" радиосын тыңлый-тыңлый эшлибез, эш­кә килүгә магнитофонны кушып куябыз", - ди үзе дә җырларга яратучы савымчы. Авылга инвестор килгәч, районда терлекчелек тармагында да, үсемлекчелектә дә та­мыр­дан борылыш күзә­телде. Югыйсә, әле "Бәр­ле" колхозы чорында энер­гетикларга бурычлары өчен ферманың утсыз да калган чаклары булмады түгел, булды. Азык кытлыгы нәтиҗәсендә сөт аз савылды, бу үз чиратында терлекчеләрне хез­мәт хаксыз калдырды. Бә­хеткә, авыр чорлар артта калды. Директоры Айрат Фатыйхов булган "Заволжье" җәмгыятенең Бәрлебашы савымчылары илебез табынын баетуга сал­лы өлешләрен кертеп хез­мәт куялар. Алар ел башыннан 6522 центнер продукция җи­тештергән. Бу узган ел­ның шушы чоры күрсәткеченнән шактый югары. Бер сыердан савым күр­сәткече 5212 килограмм (былтыр сигез айда 4435 килограмм булган) тәш­кил итә.

Хезмәт хаклары да зарланырлык түгел. "Заволжье" җәмгыяте экономисты Сөембикә Натфуллина савымчыларның ае­на ун мең сумнан да ким алмавын әйтеп узды. "Бу филиалдагы кебек чиста, ялтырап торган сыерлар башкаларда да булсын иде", - ди ул. Сыер юган өчен савымчыларга аерым түлиләр икән.

Ринат Гыйламов мөдирлегендәге ферма коллективының бердәм, дус-тату булуы турында горурланып сөйли Илгиз. Узган ел лаеклы ялга чыккан Фидалия Фәх­рие­ва белән Гөлфәрия Әбделманова Бәрлебашыннан, Разыя Сөнгатуллина белән Люция Сибгатуллина Кече Кайбычтан, Илгиз белән Гүзәлия Әфлиева Морза Бәрлебашыннан килеп эшлиләр. Морзадан Илгизнең УАЗигында килеп йөриләр, бензин бәясен дә бергәләп күтәрәләр икән. Ике авыл арасындагы юлның начарлыгына бик эче поша аның. Ә эш шартларыннан бер дә зарланмый. Терлекләр алдыннан югары сыйфатлы азыкның өзелеп торганы юк. Быел кышлату чорына азык аеруча мул әзер­лән­гән. Сыерның сөте телендә, диләр бит. Әмма булган азык маллар улагына барып җитмәсә яки вакытында тиешенчә салынмаса, сөтнең кимүен көт тә тор. Моны аңлап эшли савымчылар.

Илгизгә Буа ветеринария техникумын тәмамлаган белгеч булуы бик нык ярдәм итә. Сыерларны ясалма орлыкландырырга вакыт җитүе, кайчан бозаулаячагы, мастит кебек авыруларның беренче билгеләрен тиз сизеп ала ул.

Савымчыларның барысын да махсус эш киемнәре - комбинезоннар белән тәэмин иткәннәр. Бу фермада тагын бер уңайлылык - дүрт көн эшләгәннән соң, ике көн ял итәләр. Бер атнаны кече кайбычлылар икесе ял итсә, аннан соң калганнары икешәрләп ялга чыга. Димәк, дүрт савымчы эшләгәндә, икесе ялда була.

Ата-бабаларыннан ук калган терлекче һөнәренә тугрылыклы булып калган Илгиз. Әнисе Фәүзия пенсиягә чыккач, аның группасын үзенә алган егет бәхетен туган якта тапкан.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев