Җир йөзенең бөтен матурлыгын килә сезгә бүләк итәсе
Халыкара өлкәннәр көне уңаеннан Кайбыч муниципаль районы башлыгы Альберт Рәхмәтуллин районның өлкән буын кешеләренә котлау сүзләре белән мөрәҗәгать итте. Анда мондый юллар бар:
Кадерле кайбычлылар! 1 октябрьдә безнең ил, бөтен дөнья җәмәгатьчелеге белән беррәттән, Өлкәннәр көнен билгеләп үтә. Бу көнне барыбыз да дәүләтебезнең "алтын фонды"н тәшкил итүче ветераннарны хөрмәтлибез. Без дә, күпмилләтле Кайбыч халкы исеменнән, аларга янә бер кат үзебезнең ихлас рәхмәтләребезне һәм тирән ихтирам хисләребезне җиткерәбез. Сезнең һәрберегезнең гомере ул - авыр һәм фидакарь хезмәт белән үткән еллар. Ветераннарның тынгысыз хезмәтен бәяләп бетерү мөмкин түгел. Сез - илебезнең тере тарихы, хезмәт сөючәнлек, миһербанлык һәм эчкерсезлек мисалы. Вакыт тиз уза. Тормыш тәгәрмәче әйләнә, мәшәкатьләр һәм кичектергесез эшләр арта тора. Әмма үз вакытында сез барысын да эшләгән, бүгенге көндә әти-әниләребез, әби-бабаларыбыз турында кайгырту һәрберебезнең изге бурычы булып кала. Өлкәннәребез имин һәм лаеклы тормышта яшәсен өчен районда күп эшләнә. Социаль хезмәт күрсәтү эшчәнлеге камилләшә, хезмәт ветераннарының матди иминлеген ныгыту буенча чаралар комплексы тормышка ашырыла.
Кадерле ветераннар! Күп еллык тырыш хезмәтегез, түзем һәм зирәк булуыгыз өчен сезгә зур рәхмәтемне җиткерәм. Барыгызга да ныклы сәламәтлек, җан тынычлыгы, туганнарыгыз һәм якыннарыгызның кайгыртуын, яратуын тоеп яшәргә язсын!
Следите за самым важным и интересным в Telegram-каналеТатмедиа
Нет комментариев