Кайбычның сәхнә ветераны

"Балкыш" фестивале республикабызның барлык төбәкләрен дә колачлады. Фестивальнең зона турларында җиңүчеләр бүгенКазан шәһәрендә узачак гала-концертка җыела. Алар арасында Олы Кайбычтан мәгариф ветераны, әле хәзер дә "Миләшкәй" балалар бакчасында музыка җитәкчесе булып эшләүче Флера Фатыйхова да бар. Флера ханымның халкыбыз җырларын үзе гармунда уйнап башкаруын тамашачылар яратып кабул итә. Гала-концерт Габдулла Тукай исемендәге Татар дәүләт филармониясендә уза.