Шүширмәдә спонсор балаларга бүләкләр таратты

Балалар чыршы тирәли җырлап әйләнде, биеде, уйнады, лотерея билетына призлар отты. Башлангыч мәктәп мөдире Гөлназ Җәмилова, укытучы Зөлфия Мөхәммәтҗанова, клуб мөдире Зөлфирә Закирова укучылар өчен бәйрәмне күңелле оештырган.

- Безнең мәктәптә алты укучы белем ала. Икенче чирекне Алинә Ибраһимова гел "5"ле, Камилә Хәмидуллина һәм Лия Тимершина "4" һәм "5" билгеләренә тәмамлады, калган укучылар да сынатмый,- диде Гөлназ Җәмилова Кыш бабайга.

Борындык төп мәктәбе директоры Рамил Гарәфиев, Борындык авыл җирлеге башлыгы Рифат Гыймадиев бәйрәмгә килүчеләргә изге теләкләрен җиткерде. Авылдашлары Илдус Ганиев быел да буш кул белән килмәгән, һәр балага баллы күчтәнәчләр таратты. Рамил Гарәфиев уку алдынгыларына, активистларга мактау кәгазьләре тапшырды.