Сый-нигъмәткә бай көз

Якшәмбе көнне район үзә­гендә гөрләгән ярминкә бәйрәм төсен ал­ды. Поч­та янындагы мәй­данда товар төягән машиналар рәт-рәт булып тезелеп киткән. Авыл җир­­­лек­ләре хезмәткәрләре үз сәүдә нокталарын сатып алучыларны җәлеп итәрлек итеп бизә­гән. Ә юлның икенче ягын­да, балалар сәнгать мәк­тәбе каршындагы мәй­данда, мәктәп укучыларының "Уңыш" бәй­рәме баш­ланып китте. Укучылар куйган концерт бәй­рәмгә тагын да ямь өстә­де. «Уңыш» бәйрәме турында сезне, хөр­мәтле укучыларыбыз, газетабызның алдагы саннарында таныштырырбыз әле.

Халыкара өлкәннәр кө­ненә багышлап үткәрел­гән көзге ярминкәне һәр якшәмбе уза торган базар көненә туры китерүләре дә халык өчен файдалы булды. Кайбыч халкы өч мәйданда үзенә охшаган товарларны сатып алды. Әбиләр чуагының соңгы көне дә булды бугай әле ул, чөнки дү­шәмбе иртәдән яңгыр тотынды. Ярминкә көнендә кояш нурларын мул чәч­те. Агрофирмалар ашлык, ит сатты, печән дә бар иде, авыл җирлекләре арзан бәядән сөт, каз, күркә, тавык, дуңгыз ите, эремчек, корт, яшелчә, бәрәңге, бал, консервланган яшелчәләр, җылы оек­­башлар һәм башка төр әйберләр белән сәү­дә итте. Мәлки кулланучылар җәмгыяте уңганнары бәрәңге, суган сатты. Район башлыгы урынбасары Рәмис Хәялиев, район Советы аппараты җитәкчесе Рамилә Айзатуллова, башкарма комитет җитәкчесе Алексей Макаров, район авыл хуҗалыгы һәм азык-төлек идарәсе начальнигы Риф­кать Басыйров товар җи­тештерүчеләр һәм авыл җирлекләренең бу ярмин­кәгә югары әзерлек белән килүләрен билгеләп үтте.