Татарстанның эчке эшләр министры Артем Хохорин Кайбычка килде

Аны биредә ТР Эчке эшләр министрлыгының "Апас" муниципальара бүлеге начальнигы, полиция полковнигы Рамил Хәбибуллин, "Кайбыч" полициясе бүлекчәсе начальнигы, полиция майоры Рушан Хуҗин каршы алды. Министр дежур бүлегендә документларның тиешенчә тутырылуын, вакытлыча тоткарланучыларны урнаштыру бүлмәләрен карады. Участок уполномоченныйлары начальнигы Альберт Шәфиевтан участок уполномоченныйлары хезмәте турында сорашты, төрле бүлекчәләр эше белән танышты һәм эшчәнлекләренә уңай бәя бирде.