«Йолдызлык» фестивалендә
"Йолдызлык" фестиваленең райондагы сайлап алу туры иртәдән кичкә кадәр дәвам итте.
Бу көнне жюрига аеруча кыенгарак туры килде. Чөнки чыгыш ясаучылар күп, шулар арасыннан иң-иңнәрен гала-концертка һәм Буа шәһәрендә узачак зона турына сайлап алырга кирәк. Ә Буада Казандагы супер-финалга чыгуы бер дә җиңел түгел. Анда балаларның җыр-биюгә, конферансье осталыгына танылган сәхнә йолдызы Зилә Сөнгатуллина кебек сәнгать белгечләре бәя бирә.
- Олы Кайбыч сәхнәсендә чыгыш ясаучы балаларның күп булуына шатландык. Бу - мәктәп коллективларының "Йолдызлык"ка җитди әзерләнүләре турында сөйли. Әмма арада катнашучылары бик аз булган мәктәпләр дә бар. Фестивальгә йомгак ясаганда бу хакта аерым сөйләшү булачак, - диде жюри рәисе, башкарма комитет җитәкчесенең социаль мәсьәләләр буенча урынбасары Фатыйма Бикбова.
Следите за самым важным и интересным в Telegram-каналеТатмедиа
Нет комментариев