Кайбыч таңнары
  • Рус Тат
  • Авыл жирлекләре арасында үтккәрелгән рейтингта кем беренче?

    Авыл җирлегенең эшчәнлеге һәрвакыт күз уңында. Бирегә документка, белешмәгә, киңәшкә киләләр. Монда һәркемне тыңлыйлар. Бөтен проблемалар да диярлек шушында хәл ителә. Җирлекнең тормыш-көнкүреше җирле үзидарә органының эшне ни дәрәҗәдә оешкан төстә алып баруына бәйле.

    Бөтен нәрсә дә чагыштыруда беленә, диләр. Нәкъ менә шуңа күрә дә Кайбычның барлык авыл җир­лекләре арасында рей­тинг билгеләнә. Ул муниципаль берәмлек эш­чән­легенең нәтиҗәлелеген ачыклау максатыннан уздырыла. Эшлекле дү­шә­м­­бе киңәшмәсендә ра­йон башлыгы урынбасары Рә­мис Хәялиев яр­ты ел дә­вамында алып барылган рейтинг нәти­җә­ләре белән таныштырды.

    Бу юлы муниципалитетның унҗиде авыл җирлеге арасында халыкның агымдагы елның гыйнвар-июнь айларында җы­елган барлык кереме, шу­лай ук бер хуҗалыкка туры килгән керем дә кү­р­сәтелгән. Җы­елган ба­л­лар буенча Кошман авыл җирлеге беренче урынга чыкты. Әлеге муниципаль орган узган ел­гы нә­ти­җәләр буенча да алдынгы урында иде. Бы­ел Кошман авыл җирлегендә яшәүчеләрнең барлык ке­реме 7 438 305 сум тәш­кил итә. Ә бер хуҗалыкка исә 32340 сум туры килә.

    Икенче урында - Хуҗа Хә­сән авыл җирлеге. Ә уз­ган ел алар өченче ур­ын­да иде. Олы Кайбыч авыл җирлеге дүртенче урыннан өченчегә күтә­релгән. Ә менә Чүтигә ни булгандыр?! Бу авыл җир­леге, лидерлар рә­тен­нән тө­ше­п калып, сигезенче ур­ынга тәгәрәгән.

    - Беренче урынга ничек чыктыгыз? Планканы тотасы кыен түгелме? - дип сорыйм Кошман авыл җир­леге башлыгы Лилия Сафинадан.

    - Авыл җирлекләре арасында беренче урынга чыга алу - муниципаль берәмлекнең һәм халкының уртак хезмәте нәти­җә­се. Ел йомгаклары буенча авыл җирлекләре эшчәнлегенә 15 күрсәткеч буенча бәя бирелде. Тө­зелеш, хуҗалыклардагы терлек саны, балалар туу, иң бе­ре­нче чиратта - халыкка, ә инде салымнар, тотылган су өчен акча җыю авыл җирлеге хез­мәт­кәрләренә бәйле. Рейтингның төп күрсәткечен халыкның кереме тәшкил итә. Ул исә шәхси хуҗалыкларның ит, сөт, бә­рәң­ге, бал, шәхси хез­мәтләр күрсәтүдән, әйтик, бакча сукалау, товар ал­ып кайту, төзелеш эшләре алып барудан кергән акчасыннан җыела. Безнең авыл җирлеге халыкка төрле яклап ярдәм күр­сәтергә тырыша. Әгәр дә сөт җы­еп тапшыру тиешле дәрә­җәдә оештырылмаса, халык сыер асрарга атлыгып тормаячак. Мондый мисаллар кайбер авыл җирлекләрендә инде бар. Көтүне оештыруга да зур игътибар бирергә тырышабыз. Иртә язда, бөтен авылны җы­еп, көтү мәсьә­ләсен бар нечкәлекләренә кадәр тикшерәбез. Көтүдәге үгез­ләрне, шулай ук көтү чиратын контрольдә тотарга да җаваплы кешеләр билгеләнә. Үгезләрне карап торучыларга килешү нигезендә аерым акча түлибез. Акчаны шулай ук җаваплы кешеләр җыя. Сүз уңаеннан, Кошманда көтүләр икәү. Үгезләрне исә Бортастан үзем алып кайттым. Болардан тыш, бик күп аңлату эшләре алып барабыз. Кредитлар алырга ярдәм итәбез. Бездә кредит алучылар шактый, - диде Лилия Сафина.

    Район башлыгы урынбасары Рәмис Хәялиев: - Кредитларны сирәк ал­у­чы авыл җир­лекләре рейтингта соң­гы урында бара. Кошман халкы исә кредитларны моннан ун ел элек ни­чек алган булса, бу юнәлештә активлыклары тамчы да кимемәде. Кошман халкы, гомумән, активлыгы, алдан күрү­чән­леге белән аерылып тора. Ә рейтингта алдынгы урынга чыгу халыкка алга таба эшләргә тагын да зур этәргеч бирә. Аның нәтиҗәләре, билгеле ин­де, объектив һәм субъектив факторлардан тора. Бу урында Надеждино авыл җирлеген мисалга китереп узасым килә. Әлеге авыл халкы сыерны элек-электән күп асрады. Тик анда сөт җыю тиешле дә­рәҗәдә оештырылмаган иде. Бы­ел исә уртак тырышлык бе­лән бу мәсьә­­ләне, ниһаять, хәл иттек.

    Авыл җирлекләренең эшчәнлегенә нәтиҗә ясаганда без мөмкин кадәр объектив булырга тырышабыз. Керемнәрне исәп­ләүдән тыш, авыл халкының активлыгын - спорт чараларында ни дәрәҗә­дә актив катнашуын да исәпкә алабыз. Иң яхшыларны, әлбәттә инде, бү­ләклибез дә.

    Авыл җирлекләре рейтингы белән һәркем таныша ала: аның баннеры муниципаль районның рәсми порталына урнаштырылган.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: