Кайбыч таңнары
  • Рус Тат
  • Хуҗа Хәсән авыл җирлеге башлыгы «Ел хатын-кызы» исемен яулады

    "Ел хатын-кызы. Ел ир-егете: хатын-кыз карашы" республика бәйгесенең йомгаклау турыннан Ху­җа Хәсән авыл җирлеге башлыгы Светлана Матвеева зур җиңү белән кайтты: ул "Лидер - хатын-кыз" номинациясендә беренче урынны яулады!

    - Бу җиңү минем өчен көтелмәгән булды, - диде Светлана Петровна шатлыгы белән уртаклашып. - Шу­ңа да чираттагы җиңүчеләрне сәх­нәгә чакырганда минем исем дә яңгырагач, югалыбрак та калдым. Бу номинациядә беренче урынга чыгучылар икәү иде: мин һәм Чаллы шәһә­реннән килгән финанс директоры. Безгә бүләкләр һәм дип­ломнарны Татарстан Дәүләт Советы рәисе Фә­рит Мөхәммәтшин тапшырды.

    Казанда Идел буе физик культура, спорт һәм туризм академиясенең концерт залында узган бу тантанада Яшел Үзәндәге зона турында җиңгән Зур Подберезье мәктәбе директоы Фәнзилә Биктимерова, үзәк сырхауханә табибы Гөлнара Са­фи­уллина, Федоровское авыл җирлеге ветераннар Советы рәисе Нина Моисеева да чакырылган иде. "Ел хатын-кызы. Ел ир-егете: хатын-кыз карашы" бәйгесендә катнашучылар 7 март көнне көндезге сәгать икедә район мә­дәният йортында Кайбыч тамашачылары алдында да чыгыш ясаячак. Республикада узган тантанада район ветераннар Советы рәисе Әлфия Закирова, башкарма комитет җитәкчесенең социаль мәсьә­лә­ләр буенча урынбасары Фатыйма Бикбова да катнашты.

    Нравится
    Поделиться:
    Реклама
    Комментарии (0)
    Осталось символов: