Кайбыч таңнары
  • Рус Тат
  • “Җир сәгате” халыкара акциясендә кайбычлылар да катнаша ала

    9 март көнне Татарстан халкы "Җир сәгате" халыкара акциясендә катнаша алачак. Моның өчен кичке 20:30 сәгатьтә төгәл 60 минутка утларны сүндереп торырга кирәк булачак.

    Чара ел саен кыргый табигать Дөньякүләм фонды тарафыннан үткәрелә. Март аеның соңгы шимбәсендә уздырыла торган бу акциянең максаты - халыкка әйләнә-тирәнең экологик яктан пычрану проблемасы барлыгын искә төшерү. Бер сәгатькә электр энергиясеннән баш тартып тору аша һәркем үзенең бу мәсьәләгә битараф булмавын белдерә ала.
    Татарстанда исә бу чараны инде алтынычы ел рәттән үткәрәләр. Узган ел акциядә башкала мэриясе генә түгел, ә һәрбер муниципаль берәмлек, 200дән артык оешма һәм предприятие катнашкан. Республиканың Экология һәм табигый байлыклар министрлыгы китергән мәгълүматларга караганда, акция нәтиҗәсендә сәгатенә 1 498 000 кВт электр энергиясе янга калдырылган, дип хәбәр итә Интертат.ру газетасы.

    Быел Татарстанда әлеге акциягә игътибар шулай ук зур булачак. Казанда башкарма комитет һәм Казан Ратушасы биналары төгәл бер сәгатькә караңгылыкка чумар, дип уйланыла.

    Шунысы мөһим, акциядә теләге булган һәркем катнаша ала. Моның өчен бүлмәләрдә утны, компьютерларны, бина яктырткычларын, реклама элмәләрен, телевизор һәм өстәл лампаларын сүндерү дә җитә. Ә менә урам яктырткычларына, светофор һәм сигнализацияләргә акцияне оештыручылар тимәскә киңәш итә.

    Нравится
    Поделиться:
    Реклама
    Комментарии (0)
    Осталось символов: