Кайбыч таңнары
  • Рус Тат
  • Качмануда Турминскийдагы яңа купельда су коендылар

    Гадәттә качману (крещение) салкыннары белән дан тотса да, быел бу көнне җылы булды, җепшетте. Ләкин салкыннар качмануга бераз тоткарланган булып чыкты, синоптиклар инде бу атнадан суыклар вәгъдә итә. Әмма православ динен тотучылар өчен бу көн салкын булды ни дә, җылы булды ни: күбесе барыбер изгеләндерелгән суда коенып, җаннарын, тәннәрен сихәтләндерә.

    Мөрәле авыл җирлегендә узган җыелыштан соң, кичке сәгать алтыларда район башлыгы Альберт Рәхмәтуллин белән бергә Турминскийга юл тоттык. Анда Качману уза бит. Су коену урынында халыкның күплеген күрсәгез иде сез! Изге чишмә янына җыелган бар халыкка котлауларын җиткерде район башлыгы.

    Турминскийдагы Изге Троицк чиркәвендә 18 гыйнвар кичендә башланып киткән бәйрәм чаралары икенче көнне дә дәвам иткән. Николай атакай авыл мәктәбеннән ерак булмаган изгеләр чишмәсендәге суны изгеләндергәннән соң, махсус эшләнгән купельда су коена башлаганнар. Авыл җирлеге башлыгы Светлана Матвеева әйтүенчә, сап-сары бүрәнәдән салынган әлеге коену урыны 2014 елда Хуҗа Хәсән авыл җирлеге откан грант акчасына төзелгән. Турминскийда яшәүче балта остасы Алексей Королевка рәхмәтләрен әйттеләр.

    - Бу купель чыннан да яхшы килеп чыккан. Анда иң мөһиме куркыныч түгел, суга төшү өчен махсус баскычлар да куелган, киемнәрне кую өчен дә урын бар. Башка елларны да коену җаен таба идем, хәзер ел саен киләчәкмен, - диде коенучыларның берсе Сергей.

    - Монда кичә, бүген алты йөзләп кеше тәнен аруландырып чыкты инде. Күрәсез, әле дә халык өзелми, күпләр гаиләләре белән килә. Узган ел кеше алай күп җыелмаган иде. Яңа купель да үзләренә тарта аларны. Иң мөһиме - дингә ышану чын йөрәктән булсын, - диде Николай атакай.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: