Кайбыч таңнары
  • Рус Тат
  • Кайбыч балалар Сабантуенда мини-футбол буенча ярышта Олы Кайбыч мәктәбе беренче урынны яулады

    1 июнь - Халыкара балаларны яклау көнендә Олы Кайбычтагы ял паркында узган бәйрәм пионер галстуклы, быргы, барабанлы мәктәп елларын хәтерләтте миңа. Безнең кебек кызыл галстуклар таккан укучыларны күрү әнә шул балачак елларына кайтарды.

    Татарстанда пионер оеш­масы төзелүгә 90 ел вакыт узып киткән. Хәзер пионер оешмасы юк инде, аларны варислар дип йөртәләр. Һәр мәктәп­нең дружина Советы рә­ис­е район дружина Советы рәисе, "ЭКО" өс­тәмә белем бирү үзәге директоры Венера Сафиуллинага рапорт тапшырды. Пионер оешмалары ветераннарын да чакырганнар иде бәйрәм­гә. Кече Мәмедә кырык елдан артык яшь буынга белем һәм тәрбия биргән Зинаида Федотова озак еллар буена пионервожатый булган. Борындыктан Тәнзи­лә Зарифуллина - 38 ел, Иске Тәр­бит­тән Вера Евграфова 20 ел буена пионерлар бе­лән бергә эш­лә­гән. Үзвакытында нинди генә чаралар уздырмаган алар. Ул елларны әле дә сагынып искә алалар. Район башлыгы Аль­берт Рәх­мәтуллин, мәгариф бүлеге җитәкчесе Илдар Шакиров, башкарма комитет җитәкчесенең социаль мәсьәләләр буенча урынбасары Фатыйма Бикбова аларга рәхмәт сүзлә­рен җиткерде.

    Тантаналы линейкадан соң, укучылар өчен Сабантуй башланды. Чүл­мәк тә ваттылар, капчык киеп тә йөгерделәр, халык уеннарының барысында да катнаштылар, бүләкләр оттылар, концерт та куйдылар. Ә футбол мәйданында балалар һәм яшүсмерләр спорт мәктәбе 2001 елгы һәм аннан яшьрәк малайлар командалары арасында мини-футбол буенча ярыш үткәрде. Анда җиңүгә ирешкән командалар финал уеннарында катнашты. Нәти­җәдә, Олы Кайбыч урта мәктәбе командасы беренче урынны яулады һәм күчмә кубокка, дипломга, медаль­ләргә лаек булды. Чүти урта мәктәбе командасы икенче, Колаңгы төп мәк­тәбе командасы өченче урынны алды. Командаларга бүләкләрне балалар һәм яшүсмер­ләр спорт мәк­тәбе директоры Рафис Ильясов тапшырды. Уен барышында оста уен­чылар да ачыкланды: Олы Кайбыч мәктәбеннән Артем Николаев - иң ях­шы капкачы, шул ук мәк­тәптән Рәсим Ильясов - иң яхшы һөҗүмче, Чүти мәктәбеннән Ирек Хәсә­нов - иң яхшы сакчы буларак бүләкләнде.

    Уеннар төгәлләнгәч, һәр дружина Бәрле елгасы буенда учак якты. Көлдә тәгәрәтеп бәрәңге пешерүләре дә безнең балачакны хәтерләтте.

    Нравится
    Поделиться:
    Реклама
    Комментарии (0)
    Осталось символов: