Кайбыч таңнары
  • Рус Тат
  • Кайбыч хокук саклау органнары җитәкчеләре өчен идеаль хатын-кыз кем ул?

    Редакциябездә ду килеп 8 март бәйрәменә әзер­ләнеп йөргән көннәр. Бүген һәр бүлмәдә бәй­рәм рухы тантана итә. Тә­рәзә төпләрендәге гөллә­ребез дә кояшкайга үре­лә-үрелә елмая. Кәефләре күтәренке. Шаярасы, шаяртасы килә. "Кайбыч таңнары"ның бәйрәм санын ничегрәк эшләргә икән, дип киңәшергә җыйналган летучкабыз да шул рухта узды. Башыбызны башка көннәргә караганда ныграк эшләтеп, фантазиябезне...

    Әнә шулай һәр уйны, һәр тәкъдимне, һәр фантазияне, язмаларны "иләк" аша уздырып, иң-иңнәрен "сөзеп" алып кына газетабыз битләренә урнаштырырга булдык.

    Һәркайсыбыз үз эшенә кереште. Эзләнә, уйлый, телефонына тынгы бирми, кемнәрдер белән сөйләшә, очрашу билгели, аннары яза, сыза, тагын яза... Мин исә көчле затларыбыз арасында со­раштыру үткәрергә бул­дым. Ә беләсезме кем­нәрдән? Соравым белән районыбызның хокук сак­лау органнары җитәкче­ләренә мөрәҗәгать итим әле. Тыштан кырыс күренүче әлеге әфәнделәрнең күңел кылларын чиртеп карыйк бераз. Алар күз­легеннән караганда, нинди сыйфатларга ия булырга тиеш икән гүзәл затлар?

    Марат Нәҗиев, район җәмәгать судьясы:

    -Мәшһүр урыс язучысы сүзләре белән әйткәндә, хатын-кызда барысы да гүзәл булырга тиеш: үзе дә, киеме дә, күңеле дә. Һәм минем тышкы гүзәл­леккә басым ясап әйтә­сем дә килми. Чөнки кайбер хатын-кызлардан, никадәрле чибәр булсалар да, салкынлык бөр­ке­леп тора сыман. Рухи дөньясы матур кеше белән генә аралашу рә­хәт бит. Гомумән, ир-ат белән хатын-кыз арасында бер-береңне аң­лау кирәк. Кайбер ир­ләр, хатын-кызлар безне аң­ларга тиеш дигән, берьяклы караш белән генә яшәргә күнеккән. Ләкин бу ялгыш фикер. Чөнки гүзәл затларыбызның да күңел дөньялары бар һәм без - ир-атлар шул серле дөньяда нинди хис­ләр яшәгәнен, кадерле­ләребезнең йөрәк кичерешләрен бераз гына бул­са да аңларга өйрән­сәк, аларга һәрьяклап терәк булсак иде. Тормыш иптәшем Лилиягә бик тә рәхмәтлемен. Терәгем дә, киңәшчем дә ул, гаиләбез учагын саклаучы. Минем өчен идеаль хатын-кыз - Лилиям.

    Илфар Баһавиев, район суды судьясы:

    - Мин, иң беренче чиратта, хатын-кыздагы сабырлык сыйфатын хөр­мәт итәм. Идеаль хатын-кыз дип тә бәлки шундыйлар хакында әй­тер идем. Гүзәл затларыбыз шул ук вакытта бала җанлы, гаилә җан­лы, итәгатьле булырга тиеш. Чөнки алар әни­ләр, я булачак әниләр. Балаларны тәрбияләү дә иң элек алар иңнәренә төшә. Тагынмы... Тагын... Һәрчак матур булырга тиешләр. Чөнки гүзәллекне һәркем ярата.

    Руслан Заһретдинов, район прокуроры:

    - Хатын-кызны уңган булырга тиеш дияргә яратабыз бит. Әйе, бу шулай. Минем өчен, мә­сә­лән, өйнең чиста, тәр­тип­тә булуы мөһим. Чөнки эштән арып кайткач, һәр тарафыннан як­ты нур, җылылык бөркелеп торган өйдә җан да ял итә. Димәк, хатын-кыз чисталыкны да кайгыртучы. Ашарга да тәм­­­ле әзерли белсен ул. Өйдә пешкән ризыкны кибеттә сатылучы пил­мәннәр берничек тә алыштыра алмый инде! Килгән кунакларны, иренең туганнарын якты йөз, баллы сүз белән кар­шы алып, тәмле сый белән кунак итеп озату да гаилә учагын саклаучы хатын-кызларыбызның бурычы. Иң мөһиме - үзләренең хатын-кыз икәнлекләрен онытмасыннар иде. Без - ир-ат­лар күзлегеннән алар һәрвакыт һәм һәрьяклап матур булырга тиеш­ләр. "И, чит кеше юк бит әле", дип, өйдә ире, балалары алдында үзен-үзе карамыйча, халат белән генә йөргән хатын-кызларны һич аң­ла­мыйм. Ир дә кеше бит, аның да күзләре бар. Ә балалар әниләреннән үр­­нәк алып үсә.

    Рушан Хуҗин, район эчке эшләр бүлеге начальнигы:

    - Хатын-кыз - гаилә уча­­гын саклаучы зат. Гаи­ләсенә тугрылык саклау, кайгыртучанлык күр­сә­тү, аш-суга осталык - аларга хас булырга тиешле мөһим сыйфатлар. Һәр хатын-кыз үзен матур йөртергә, белемен арттыру өс­тендә эшләргә, әйләнә-тирәгә кызыксынуларын киңәйтергә, дөньяга аң­лы карашта булырга тиеш. Ә эш урынында хатын-кыз аз сүзле, гадел булырга, үзенә йөк­ләнгән вазифаны төгәл үтәргә, хезмәтен яратырга тиеш, дип саныйм. Гомумән, ямь­сез хатын-кыз булмый, дибез. Әмма шул матурлыгы усаллыгы артына кү­мелеп, әйләнә-тирәдәгеләргә сөйкемсез күренүчеләре дә бар араларында. Шуңа күрә дә хатын-кызларыбыз гади, сөйкемле, мәхәббәтле булсыннар һәм безнең өчен һәрвакыт сер булып калсыннар!

    Әнә 7 яшьлек улым да үзенчә 8 март бәйрәменә әзерләнә. Әни, мин сиңа бәйрәмгә дип шигырь өй­рәндем, ди. Сөйләп күр­сәт әле, җимешем, тыңлыйсым килә бит, дип тел төбен тартып карыйм тегенең. Партизан, мин си­ңа әйтим! Дәшми, оныттым бит әле, дип иңнәрен генә җыера. Бәй, алдан сөйләгәч нинди кызыгы калсын ди аның! Сабый акылы моны аңлый. Ә ул шигырьне әтисе дә яттан белә. Мин күрмәгәндә, ишетмәгәндә кабатлыйлар аны. 5 яшьлек кызыма да шигырь юллары өйрәтеп кайтарган тәр­бия­че апасы. Үзгәртә-үз­гәр­тә, үз сүзләрен өсти-өсти ул да бәйрәмгә әзер­ләнә. Шулай миңа сюрприз ясарга тырышып йөр­гән көннәре. Әмирханым әтисенә "бәйрәмдә әнигә чәчәк алырга кирәк"леге хакында да үзе белгән мисаллар ярдәмендә аң­лата: "Әни матур бит. Ул чәчәкләр ярата. Туган кө­нең җиткәч, сиңа да чәчәк бүләк итәрбез. Машина да". Алар шулай планнар кора, ә мин бәйрәм көнне әлеге "көтелмәгән" сюр­призларына каршы нинди бүләк әзерлим икән дип баш ватам. Кызым нечкә итеп киселгән өй токмачыннан аш ярата, улыма кәтлит белән бәрәңге ки­рәк, кыстыбый өчен хәтта "ура" сикерергә мөмкин, әтиләренең күңеленә исә үрдәк ите кушып пешерелгән мантый хуш килә­чәк... Чәй янына әфлисун пирогы да булса, беләм, авызлары колакларына җитәчәк...

    Әйтәм ич, ир-ат белән хатын-кыз хисләре, кичерешләре тәңгәл килерлек нокталар бар ул. Чыннан да бар! Шуларның берсе... Әйе, әйе, нәкъ менә 8 март. Бу көнне гүзәл затлар үзләрен чын хатын-кыз, ирләребез үзләрен чын ир-атлар итеп хис итә. Капма-каршылык бө­тенлек белән урыннарын алмаша...

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: