Кайбыч таңнары
  • Рус Тат
  • Кайбыч районы авылларында Май чабу бәйрәме гөрләп узды

    Районыбызда православие динен тотучылар ике көн рәттән иң якты, иң көтеп алган бәйрәмнәрнең берсен - Май чабу бәйрәмен билгеләп үтте. Шимбә көнне ул Колаңгы, Федоровское, Кече Мәме авыл җирлекләрендә узды. Ә якшәмбедә Мәлки, Олы Тәрбит һәм Иске Тәрбит авылларында гөрләде.

    Колаңгы авыл җирлегедә яшәүчеләр көннәр язга авышкач уздырылучы бу бәйрәмне билгеләп үтәргә яңа мәһабәт бина - күп­функцияле үзәк янындагы мәйданга җыелды. Мәдәният хезмәткәрләре мәктәп укытучылары бе­лән берлектә күңелле программа әзерләгән. Көн җилле булуга да карамастан, беркемгә дә туңып торырга туры килмәде - җырладылар, биеделәр, төрледән-төрле уеннарда көч сынаштылар. Күңелле музыка бө­тен тирә-якка яңгырап торды. Зур самоварда чәй кайнады, шашлык белән коймак пеште. Бәйрәм ике сәгатьтән артык дәвам итте, кайтып китәргә бе­рәү дә ашыкмады. Соңыннан, теләкләр теләп, карачкыны яндырдылар. Уеннарда актив катнашучылар призлар белән бүләкләнде.

    Ә инде Май чабу бәй­рә­менең иң-иңе кайда уза дип сорасалар, әл­бәттә инде, Иске Тәр­биттә! Эшкә булган, телгә оста тәрбитлеләр искиткеч бәйрәм оештырганнар. Монда Иске Тәрбитнең олысы һәм кечесеннән кала, күрше авыллардан килүчеләр, кунакка кайтучылар да күп иде. - Сезгә мин һәр­вакытта да шатланып киләм. Биредә эшләп кит­кәнгә генә түгел. Чөнки - эшли дә, күңелле итеп ял да итә беләсез. Менә бүген дә нинди матур бәйрәм оештыргансыз, сезнең өчен шатмын, - диде район башлыгы Аль­берт Рәхмә­туллин, Иске Тәрбит халкына мө­рәҗәгать итеп.

    Бәй­рәмгә тугыз ат би­зәл­гән иде. Оештыручылар, килгән кунакларны утыртып, гармуннар бе­лән җырлап, авыл урамнарын әйләнеп узды. Бу искиткеч күренешне язып аңлатып бирәсе авыр, моны кү­рергә кирәк. Бәй­рәм итә белә дә соң тәр­битлеләр! Җыр-бию, төр­ле уеннар - берсе дә кал­мады. Биредә берәү дә ялындырып тормады - хатын-кызлар да, ир ат­лар да аерым-аерым аркан да тартты, ир-егет­ләр гер күтәрде. Самавырда чәй кайнады, коймак пеште.

    Якты матур бәйрәмгә көне дә ямьле туры килде. Таныш-белешләр бер-берсеннән гафу-кичерешләр сорады. Йоласы шундый. Кылган гөнаһларын, Аллаһ Тәгаләдән бер-берсенә карата булган үпкә-рәнҗешләрен ки­черүне, иминлек, якты көн­нәр, сәламәтлек сорап, карачкы яндырдылар.

    Мәлки, Олы Тәрбит һәм башка авылларда да Май ча­бу бәйрәме үтте.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: