Кайбыч таңнары
  • Рус Тат
  • Кайбыч районы укытучылары укытып кына калмыйлар

    Мәктәпләрдә укучылар белән төрле түгәрәкләр алып баручы, ягъни өстәмә белем бирүче укытучылар "ЭКО" үзәгендә осталыкларын күрсәтте. Монда елның иң яхшы өстәмә бирү укытучысын сайладылар.

    Укучылары безнең газета белән тыгыз элем­тәдә торучы түгәрәк җи­тәк­челәре дә бар иде ан­да. Бәрлебашы һәм Кошман мәктәпләреннән кочак-кочак шигырьләр килеп тө­шә безгә. Балалар иҗа­тында тормышны, туган авыл, аның кешеләре, табигатен ярату хисләре ярылып ята. Бәрлебашы мәктәбендәге "Яшь бөре­ләр" түгәрәге җитәкчесе Исламия Мусина бәйгегә "Тел күрке - сүз" дигән тема буенча әзерләнеп килгән. Бу чарада ул аларны җөмләләрне дө­рес төзергә, иҗат серләренә өйрәтте, ә соңыннан бер­гәләп Тукаебызның "Туган тел"ен башкардылар.

    - Безнең түгәрәк "Кайбыч таңнары" газетасы, "Салават күпере", "Ялкын" журналлары белән тыгыз элемтәдә тора. Укучылар иҗат иткән шигырь, хикәя-язмалар басыла анда, - диде укытучы горурланып.

    Кошманнан Резидә Сайранова әйтүенчә, монда "Көмеш каләм" әдәби тү­гә­рәге инде 32 елдан бир­­ле эшли. Видео­фильм­да түгәрәк эшчәнлеге ачык чагылды, түгәрәккә "Колхоз бригадасы" газетасы журналисты, соңыннан Кошман мәктәбендә укыткан Нәсимә Афзалова нигез салган икән. Язмышларын журналистика белән бәйләгән апалы-сеңелле Алия белән Лилия Мотыйгуллиналар да шушы түгәрәктә каләм тибрәткән.

    Ә Иске Тәрбиттән Лиана Капитонова укучыларында лидерлык сыйфатлары тәрбияли. Аның "Ли­дерлык нигезләре" тү­гәрәгенә укучылар яратып йөри. Конкурсантлар педагогик эшчәнлекләре белән таныштырды, "Минем мәгариф программам" дигән өстәмә белем бирү программасын яклады. Нәтиҗәдә, Исламия Мусина, көндәшләреннән күбрәк балл туплап, өстә­мә белем бирү педагогларының 2015 елгы республика бәйгесенең зона этабы җиңүчесе булды. Резидә Сайранова - икен­че, Лиана Капитонова - өченче урында.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: