Кайбыч таңнары
  • Рус Тат
  • Кайбычта "Милләтләр кроссы" яңа стадионда узды

    Кайбычта бүген "Милләтләр кроссы" узды. Районның барлык мәктәпләреннән килгән укучылар, оешма-предприятиеләр җитәкчеләре, хезмәт коллективлары катнашындагы бу ярыш беренче тапкыр Олы Кайбыч мәктәбе янындагы стадионда узды. Бу стадион яңа әле. -Бүген ярышта йөгерүчеләргә уңайлы булчак,- диде Олы Кайбыч мәктәбе укытучысы Гөлинә Габдрахманова.- Чөнки йөгерү юлы асфальт белән түгел, ә махсус резина...

    Ярышны оешмаларда эшләүче хатын-кызлар башлап җибәрде. Алар арасыннан беренче булып Кошман кызы- Ульянково мәктәбендә быел гына эшли башлаган педагогик-психологик үзәк хезмәткәре Айсылу Хайруллина килде. Икенче урында- Гөлинә Габдрахманова, өченче урында- үзәкләштерелгән бухгалтерия хезмәткәре- Анастасия Губеева. Ир-егетләр арасында да ярышта катнашучылар күп булды. Финиш сызыгын беренче булып гадәтән тыш хәлләр бүлегеннән Илназ Әскәров узды. Икенче-өченче урыннарда- финанс-бюджет палатасыннан Газинур Кадыйров, район электр элемтәсе узелыннан Илназ Сәлахиев. Бу көнне мәктәп укучылары ГТО нормасы да тапшырды.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: