Кайбыч таңнары
  • Рус Тат
  • Рәхмәтемнең иң олысы сиңа, Укытучым!

    Укытучылар көнен гаилә бәйрәме дисәк, ялгышмабыз: бу бәйрәм турында белмәгән, ишетмәгән кеше юк. Барыбыз да - балачак иленнән, мәктәптә белем алдык, шуңа күрә бу көн күпләр өчен иң кадерле бәйрәмгә әверелде.

    Бәлки шуңа күрәдер дә ТР Президенты Рөстәм Миңнеханов үзенең юлламасында республиканың һәр торак пунктында баш­лангыч мәктәпне саклап калуны күтәреп чыкты. Һәрберебезнең күңелендә Мәктәп һәм Укытучы турында үз хатирәләре, башкаларныкыннан үзгә кичерешләр. Кемдер беренче кыңгырауны, мәк­тәпкә беренче адым ясаганда дулкынлануын искә ала. Кемдер, киресенчә, 11 классны, иңендә кыңгырау тотып утыручы беренче класс сабыен һәм үзен беренче тапкыр олы кешедәй хис итү кичерешләрен хәтерендә яңарта. Тәүге тапкыр беренче укытучы белән танышу яки тәүге кабат сыйныфташ кызга гашыйк булу. Кем өчендер улы яки кызы мәктәпкә укырга кергән чактагы хатирәләр аеруча кадерле: горурлык хисе катыш бераз гына моңсулык - бүгеннән нәни кошчыгың канат астында гыны утырмас, мәктәп тормышы бе­лән яши башлар... Мәк­тәп, укытучыларны уйлаганда алар белән гомер буена бәйләп торучы җеп­ләр барлыгын аңлыйбыз. Алар безнең өчен иң-иңнәр булып кала би­рә. Район мәгариф бүлеге җитәкчесе Илдар Шакиров әйтүенчә, бездә чын мәгнәсендә талантлы педагоглар бик күп, алар укучыларына һәркөн яңалык җиткерергә, күңелләрендәге иң күркәм сыйфатларны сеңдерергә тырыша. Укытучы дигән бөек исемне йөртүчеләргә сә­ламәтлек, уңышлар, сабырлык телик!

    Нравится
    Поделиться:
    Реклама
    Комментарии (0)
    Осталось символов: