Кайбыч таңнары
  • Рус Тат
  • Язгы ташкыннар якынлаша

    Кыш әлегә бирешергә теләми, мартның соңгы ун көнендә мул итеп яуган кар елгаларда су күтәреләчәгенә һәм елга буйларында урнашкан авылларга су басу куркынычы янавына ишарәли.

    Гадәттән тыш хәлләрне булдырмас өчен һәр ке­ше язгы ташуга әзерләнергә тиеш: өй түбәсендә­ге карны вакытында чистартырга, су нигезгә кит­мә­сен өчен өй тирәсендәге карны көрәп, канау казырга, малларны куркынычсыз урынга күчерү өчен урын әзерләргә, эчәр су, азык-төлек, медикаментлар запасы булдырырга кирәк. Ялгыз яшәү­че ярдәмгә мохтаҗ кешеләр, өлкән яшьтәге әби-бабайлар игътибардан читтә калмасын. Учреждение һәм оешмалар җитәкчеләренә эш урынындагы биналарның тү­бәсен, тирә-юнен кардан чистартырга тәкъдим ителде. ТР Гражданнар оборонасы һәм гадәттән тыш хәлләр министрлыгы белгечләре фаразлавынча, районның ун торак пункты су басу куркынычы югары булган зонага керә. Алар арасында Чүти, Турминский, Куш­күл, Мәлки авыллары бар. Кайбыч юл участогы начальнигы әйтүенчә, юл­ларны язгы ташудан саклауга әзерлек тулы көченә бара: җитәрлек күләмдә ком, вак таш кайтартылган, авылларга килү юллары да контрольдә. Авыл җирлекләре башлыклары су башняларының куркыныч­сыз­лыгын тәэмин итү, чишмәләргә кар сулары төшмәслек итеп тирәсен чистартуны оештырырга бурычлы. Боз тыгылмасын өчен елгаларны куаклардан чистарту мө­һим. Язгы ташу вакытында балаларны күз уңында тоту хәерле, аларның яр тирәсендә йөрү­е­нә юл куймаска, елга буйларында, күперләрдә ки­зү оеш­тырырга кирәк. Олы Кайбыч авылы уртасыннан агучы Бәрледә җәяүле­ләр өчен басма алынган. Шунысын да әйтергә ки­рәк, асылмалы күпер бик начар хәлдә. Югыйсә, аннан укучылар мәктәпкә йөри, базарга, сырхауханәгә йөрүчеләр дә шуннан уза. Бу чорда укучыларны мәктәпкә өл­кәннәр озата барса, хә­ер­лерәк булыр иде, чөнки таеп китеп, егылып төшү куркынычы зур. Әлеге мәсьә­ләләр узган шим­бәдә муниципаль район башлыгы үткәргән киңәш­мәдә дә каралды.

    Нравится
    Поделиться:
    Реклама
    Комментарии (0)
    Осталось символов: