Иң яхшы директор – Иске Тәрбиттә

Татарстан Республикасы Президенты Рөстәм Миңнеханов, ТР Мәгариф һәм фән министрлыгы җитәкчелеге, башка рәсми затлар, республиканың барлык районнарыннан да килгән укытучылар катнашында узган әлеге тантанада педагогларны хөрмәтләделәр."Безнең мәк­тәпнең иң яхшы директоры" грантына лаек булган 50 укытучы арасында Иске Тәрбит мәктәбе директоры Анатолий Васильев та бар. Татарстан Республикасында 2010-2015 елларда мәгарифне үстерү буенча "Киләчәк" стратегиясен тормышка ашыру кысаларында игълан ителгән грант суммасы - 50 мең сум. Җиңүчеләрне билгеләгәндә директорның, укытучылар һәм укучыларның соңгы өч елдагы уңышлары исәпкә алынган.