Кайбыч таңнары
  • Рус Тат
  • Күчмә кубок – Чүтидә

    27 октябрьдә Олы Кайбыч урта гомумбелем бирү мәктәбе базасында район спартакиадасының көзге этабы кысаларында тугызынчы класска кадәрге укучылар катнашында өстәл теннисы буенча ярыш үткәрелде.

    Ярышларда составында ике егет, ике кыз булган унбиш мәктәп командасы катнашты. Әмма, алдан хәбәр ителүгә дә карамастан Зур Подберезье, Рус Бәрлебашы, Кече Мә­­­ме һәм Колаңгы мәк­тәп­ләре ни өченедер ярышта катнашмады.

    Район яшьләр сәясәте, физкультура һәм спорт бүлеге начальнигы Юрий Михайлов ярыш шартлары белән таныштырганнан соң, бәйгегә старт бирелде. Чүти урта гомумбелем бирү мәктәбенең Юрий Анисимов җитәкчелегендәге командасы ярышка зур әзерлек бе­лән килгән. Шәхси беренчелектә аларга тиңнәр булмады. Егетләр арасында барган кискен көрәштә Илназ Биктимеров, Айдар Уткин беренче-икенче урыннарны яу­лады. Өченче урында- Бо­рындыктан Инсаф Нигъ­мәтуллин. Кызлар арасында барган ярышта да чүтилеләр сынатмады, Динара Әхмәтшина беренче урынны яуласа, Анжелика Платонова дүр­тенче урынга чыкты. Икенче урынны Федоровское урта гомумбелем бирү мәктәбеннән Екатерина Улитина һәм өченче урынны Полина Григорьева яулады.

    Командалар арасында зур өстенлек белән Чүти мәктәбе командасы җиңү­гә иреште һәм күчмә кубокка ия булды. Федоровскоелылар икенче, бо­рын­дыклылар өченче урынны алды. Шәхси һәм команда ярышларында призлы урыннарны яулаучыларга Мактау кәгазьләре, истәлекле бүләкләр тапшырылды. Биредә кат­нашкан һәр команда ярышларның оештырылу дәрәҗәсеннән канәгать калды.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: