Рәхәтләнеп күңел ачтык

Район башлыгы исеменнән халыкны бәйрәм белән котлап, район Советы аппараты җитәкчесе Рамилә Айзатуллова чыгыш ясады. Шулай ук авыл җирлеге башлыгы Мөслимә Гыйззәтуллина, "Заволжье" җәмгыятенең "Ябалак" филиалы управляющие вазифаларын башкаручы Илшат Хамматов урак батырларына, терлекчеләргә иң изге теләкләрен җиткерде. Мәй­данда ук мул итеп табын әзерләнгән иде, теләгән һәркемне самовардан кайнар чәй белән сыйладылар. Механизаторларны, терлекчеләрне бүләк­ләгәннән соң, мәдәният хезмәткәрләре, үзешчән сәнгатьтә катнашучылар концерт номерлары бе­лән чыгыш ясады, "Заволжье" җәмгыятенең "Ябалак" филиалы савымчысы Илгиз Борһанов халыкны матур җырлары белән ял иттерде. Балалар һәм өлкәннәр бер­гәләп төрле халык уеннарында катнаштылар, җигүле атларда йөрделәр. Кече Кайбыч авылына Яшел Үзән шәһәреннән кунакка кайткан Рөстәм Заһидуллин (рәсемдә) санаулы секундларда колга башына менде һәм әтәчне алып төште. Ябалактан Алинә Салаватова авыш колгага бик оста менде. Аңа да әтәч бүләк ителде. Тиздән Сабан туеның абсолют батыры исеме дә яңгырады: бу исемгә Кече Кайбычтан Ильмир Гашигуллин лаек булды. Сабан туе дискотека белән дәвам итте.