14 гыйнвар көнне Кошман авылында яшәүче кызыбыз Диләрә Дамир кызы Мершинованың туган көне, 25 яшьлек юбилее

 Кадерле оныгыбыз, кызыбыз, сеңлебез Диләрә! Сине ихлас күңелдән туган көнең белән котлыйм. Сиңа аяз күк йөзе, шомырт чәчкәседәй ак бәхетләр, корычтай нык сәламәтлек, кояштай озын гомер, чиксез шатлыклар телим. Сабыр холыклы, мәрхәмәтле, ярдәмчел, кадерледән кадерле син. Киләчәктә дә киң күңелле, ачык йөзле, олы йөрәкле булып кал. Тормышыбызга ямь өстәп, авырмый, кайгы-хәсрәт күрми, озын гомер итүеңне, якыннарыңның игелеген күреп яшәргә язсын Ходай! Ныклы тазалык, озын гомер, ак бәхетләр белән мул тормышта яшәвеңне телибез. 
Син бит безнең өчен Кояш, 
Синнән нурлар алып яшибез. 
Озак яшә, мәңге сүрелмә, 
Иң кадерле якын кешебез. 
Салкын карлы кышта тусаң да син, 
Яз кояшы һәрчак күңелеңдә. 
Һәрвакытта йөзең көләч булсын, 
Балкып яшә гомер-гомергә. 
Теләкләрнең кайсын теләсәк тә, 
Аз булыр күк синең хөрмәткә. 
Аяз булсын мәңге күңел күгең – 
Без калабыз шушы теләктә. 

Иң изге теләкләр белән: дәү әниең Рания, минем теләкләргә әтиең Дамир, 
әниең Гөлнур, абыйларың Равил, Фәнис, Шамил дә кушыла.