Имәнле Бортас авылында яшәүче кадерле әниебез Равилә Ярулла кызы Гыйниятуллинаның 24 мартта 65 яшьлек юбилее

Кадерле әниебез! Бүген барыбыз өчен дә якты, илаһи зур бәйрәм. Җир йөзендә әнидән дә якын, әнидән дә рәхимле, мәхәббәтле, әнидән дә олы җанлы зат юктыр. Син булмасаң, тормышыбызның яме дә, тәме дә булмас иде. Аллаһының мең рәхмәте яусын сиңа. Көннәрең шатлык белән үтсен. Гомер юлларың озын булсын, кайгы-хәсрәт күрми, һаман шулай безгә терәк булып, әти белән бергә тигезлектә яшәгез. 
Әни бит ул – өйнең яме, 
Ә тормышта олы терәк. 
Сәламәт бул, озак яшә, 
Син бит, әни, безгә кирәк. 
Котлы булсын, юбилеең, әни, 
Гомерең үтсен шатлыкта. 
Кайгы күрмә, чирне белмә, 
Һич бирешмә картлыкка. 
 

Иң изге теләкләр белән: балаларың, кияүләрең, киленең, оныкларың. Бу котлауга тормыш иптәшең Әмир дә кушыла.