Барлык Кайбыч халкын, хезмәттәшләремне якынлашып килүче Яңа ел белән котлыйм

Илшат Гатиятуллин, Кайбыч икмәк пешерү комбинаты директоры:

— Барлык Кайбыч халкын, хезмәттәшләремне якынлашып килүче Яңа ел белән котлыйм. Олыбызга да, кечебезгә дә бердәй кадерле булган, эчкерсез, көтеп алынган бәйрәм — Яңа ел якынлаша. Ә Яңа ел — узылган елга бер караш салу, башкарган эшләргә, кылган гамәлләргә йомгак ясау да, киләчәккә максатлар кору, туар таңнарга якты өметләр баглау да. Календарьда даталар үзгәрсә дә, рухи кыйммәтләр үзгәрмичә саклансын иде, якыннарыбызга карата булган хөрмәт һәм ярату хисләре, кешеләргә карата шәфкатьлелек, изге күңеллелек беркайчан да югалмыйча безнең янәшәдә булсын.