«Бердәм Россия» – зур көч

15 декабрьдә үткән бу конференция Татарстан Республикасы Президенты Рөстәм Миңнеханов катнашында үтте. Президент бердәмроссиялеләрне сәлам­ләү чыгышында бу партиянең Татарстанда күпсанлы булуына тукталды, киләчәктә дә уңышлар теләде. Партиянең Татарстандагы төбәк бүлеге сәяси Советы секретаре Фәрит Мөхәммәтшин отчет чыгышында башкарылган эшләр турында сөйләде, беренчел бүлекчәләрнең активлыгын арттырырга кирәклегенә басым ясады. Фәрит Хәйруллович кабат сәяси Совет әгъзасы итеп сайланды. Әлеге конференциядә партиянең Кайбычтагы сәяси Советы секретаре Альберт Рәхмәтуллин, Кошмандагы беренчел бүлекчә секретаре Лилия Сафина һәм "Бер­дәм Россия" пар­тия­сенең Кайбычтагы җирле бүлеге җитәкчесе Рушания Лотфуллина катнашты