Районның баш урманчысы ифтар ашы уздырды
Мөселман дөньясында Рамазан ае дәвам итә. Олы Кайбыч мәчетендә узган авыз ачтыруны, Аллаһы Тәгалә ризалыгы өчен, Кайбыч урман хуҗалыгы директоры Илгиз Хаффазовның гаиләсе үткәрде.
Җимешләр белән авыз ачып алганнан соң, бергәләп ахшам намазы укыдылар. Намаздан соң, мул итеп әзерләнгән өстәлләр артына утырдылар. Районыбыз мөхтәсибе Дамир хәзрәт Гыйниятуллин Коръән сүрәләре укыды, ифтар үткәрүчеләрнең сәламәтлеге өчен дога кылды. Әлеге ифтарны интернациональ булды дисәк тә, ялгыш булмас. Чөнки анда, кайбычлылардан тыш, М12 тизйөрешле юл төзелешендә катнашучы Урта Азиядән килгән мөселманнар да катнашты.
Дамир хәзрәт мәҗлес үткәрүчеләргә олы рәхмәтен җиткерде, аның Ходай Тәгалә тарафыннан кабул булуын теләде.
Казанда авыл хуҗалыгы ярминкәсендә катнашалар
Следите за самым важным и интересным в Telegram-каналеТатмедиа
Нет комментариев