Хөрмәтле кайбычлылар!

Илшат Гатиятуллин, Кайбыч икмәк пешерү комбинаты директоры: 

Хөрмәтле кайбычлылар! Сезне ихлас күңелдән татар халкының иң күркәм бәйрәмнәренең берсе булган Сабан туе белән тәбрик итәм! Безнең халкыбыз өчен бу бәйрәм олы мәгънәгә ия. Ул язгы кыр эшләре тәмамлануын билгеләп кенә калмый, халкыбызның хезмәт сөючәнлеген, кунакчыллыгын, күңел киңлеген һәм игенче хезмәтенә чиксез хөрмәтен дә чагылдыра. 
Икмәк — байлыгыбыз, һәр йортның муллык билгесе ул. Ә өстәлләребездә икмәк булса, өйләребез дә ямьле, илебез көчле, имин булыр. 
Халкыбызның йөзек кашы булган бу ямьле бәйрәм киләчәк көннәргә өмет уятсын!