Хөрмәтле райондашлар, җәмгыятебез уңганнары!

Александр Иванов, «Август Кайбыч» җәмгыятенең генераль директоры: 

Хөрмәтле райондашлар, җәмгыятебез уңганнары! Барыгызны да иң якты, ямьле бәйрәмнәребезнең берсе — Сабан туе белән тәбрик итәм. Сабан туеның исеменә үк тирән мәгънә салынган, сабанчыга, игенчегә мәдхия җырлау, аның хезмәтен олылау, рәхмәт әйтү, олы эшләрдән соң җырлап-биеп күңел ачып, хезмәт туен үткәрү ул. Быел безнең җәмгыятебезнең игенчеләре иңне-иңгә куеп, тырышып эшләде, нәтиҗәдә, булачак уңышка нык­лы нигез салынды. Сабан туенда хезмәт батырларын мәйдан түрендә хөрмәтләячәкбез. 
Халкыбызның йөзек кашы булган бу ямьле бәйрәм барыбызга да яңа көч-куәт һәм киләчәк көннәргә ышаныч китерсен!