Кайбычлылар яшел уракка төште

Авыл хуҗалыгы һәм азык-төлек идарәсе начальнигы Радик Камалетдинов белән бергә Ульянково авылы тирәсендәге 605 гектар мәйданны биләгән басуда эш барышы белән танышып кайттык.
Биредә эш оешкан төстә бара. Өч куәтле тракторга тагылган “Крон” агрегаты яшел массаны ура. Алардан соң, ике “МТЗ- 1221” тракторы печәнне теземнәргә салып бара. Ике “Ягуар” комбайнынчылары Хәмзә Мохтаров белән Олег Баринов, яшел массаны ваклатып, трактор арбаларына төятеп бара. Зур арбалар тагылган тугыз трактор яшел массаны булачак терлекчелек комплексыннан ерак булмаган басудагы курганга ташый. Курганда “Россельмаш”, “Фент” тракторларында Юрий Казаков һәм Виктор Лесинков яшел массаны тыгызлата.
Җәмгыятьнең генераль директорының терлекчелек буенча урынбасары Александр Симонов әйтүенчә, биредә узган елда хәзерләнгән печән запасы шактый, шуңа күрә алар сенаж салуга өстенлек бирәләр. Бу сезонда барлыгы 8 мең тонна сенаж салу планда каралган.
“Туган як - Агро” хуҗалыгы да күпьеллыкларны уруга керешкән.