Кайбычта урак язмышын хәл итүдә яшьләр дә катнаша

Колаңгыдагы иген кырына депутатлар килгән көнне без КамАЗда Колаңгыдагы ашлык кабул итү предприятиесенә ашлык ташучы Ильмир Сабиров һәм Илнар Гыймранов белән дә аралаштык. Аларның икесе дә Апас районыннан. “Август-Кайбыч” җәмгыятендә үзләренең шәхси машиналары белән килешү нигезендә эшлиләр. Уракның беренче көненнән үк бездә алар.
Чираттагы рейстан кайтканнар да, басу читенә әле генә килеп туктаганнар.
– Элеккеге кебек бункеры тулган комбайннар янына басу буйлап үзебез барып туктамыйбыз. Ашлыкны, киресенчә, махсус техника, үзе безгә чыгара, – диде Ильмир. – Бу басу тапталмасын өчен шулай эшләнә.
Илнар, Ильмир кебек барлык хезмәтчәннәргә дә, ару-талу белмичә, исән-имин эшләргә язсын.