Кайбыч район мәдәният бүлеге начальнигы итеп Ринат Камалиев билгеләнде

Яңа җитәкче һөнәре буенча укытучы, ул озак еллар дәвамында укучыларны физика фәненнән укытты. Физик булса да, лириканы да үз итә, шигьриятне, сән­гатьне ярата, сәхнәләрдә еш чыгыш ясый. Республикада нәфис сүз осталары арасында үткәрелгән бәй­гедә җиңеп, Фатыйх Кәрим исемендәге премиягә дә лаек булган иде. Өстәвенә, Ринат Камалиев мәдәният өлкәсендә яңа кеше түгел. Кайбыч районы мөстә­кыйльлеген алгач, ул мәдәният бүлеген оештыруның башында торды һәм 1991- 1992 елларда район мә­дә­ният бүлеге начальнигы булып эшләгән иде инде.