Хәбәрләр
Яңа ел төнендә Олы Кайбычта йорт янды
Район янгын сүндерү частеннан алынган мәгълүматка караганда, 31 декабрь көнне кичке унберенче биш минутта 01 хезмәтенә Олы Кайбычның Үзәк урамындагы 139 нчы йорт януы турында хәбәр алына. Янгын сүндерүчеләр оператив рәвештә янгын урынына чыгып китә.
Алар барганда, ике фатирлы бу йортның бер ягы тулысынча диярлек янып беткән була, икенче ягына өлешчә зыян килә. Бәхеткә, үлем очракларына юл куелмаган. Хәзер янгынның килеп чыгу сәбәпләрен ачыклау буенча тикшерү алып барыла. "Вакыйга урыныда полиция, ашыгыч ярдәм күрсәтү, газ участогы хезмәткәрләре бердәм эшләде",- диде янгын сүндерү часте начальнигы Илшат Галиев.
Следите за самым важным и интересным в Telegram-каналеТатмедиа
Нет комментариев