8 ноябрьдә Апас районының Каратун урта гомумбелем бирү мәктәбендә мәктәпләрдәге хокук тәртибен саклау отрядлары кураторлары өчен республика семинар-практикумы үткәрелде.
Татарстан Республикасы Мәгариф һәм фән министрлыгы, Апас муниципаль районы башкарма комитеты оештырган әлеге чарада яшүсмерләр арасында хокук тәртибен бозуларны профилактикалау буенча зур сөйләшү булды, мастер-класслар үткәрелде, Татарстанда 2020 елга кадәр яшьләр хокук саклау хәрәкәте үсеше концепциясен тормышка ашыруга юнәлдерелгән бурычлар билгеләнде. Әлеге семинар-практикумда республиканың 25 районыннан килгән 80нән артык педагог, шул исәптән Кече Мәме мәктәбе директорының тәрбия эшләре буенча урынбасары Татьяна Самарская да катнашты.
Нет комментариев