Кайбыч таңнары
  • Рус Тат
  • Геологлар җирлекне өйрәнә

    Колаңгыдан узучылар аның елдан-ел түгел, ә көннән-көн үсә баруына игътибар итмичә калмыйлардыр. Анда яңа йортлар яңгырдан соңгы гөмбәләр кебек калка сыман тоела миңа. Мәктәп янәшәсендәге әле кайчан гына басу булган урында да инде дистәләгән йорт төзелде, күбесенә нигез салынган. Ә Олы Кайбычтан килү юлында, тимер юл аша чыгып бераз баргач,...

    Колаңгыда менә ничә ел инде клуб ролен мәктәп үти. Авыл халкы катнашындагы җыелышлар да шунда уза, яшьләр мәктәп спортзалында шөгыль­лә­нә. Аңа кадәр клуб элеккеге ашлык кабул итү пунктында урнашкан иде. Озакламый авыл җирлегендә яшәүчеләрнең күп­тәнге хыялы тормышка ашачак, чөнки киләсе ел­да биредә "Авыл клублары" программасы нигезендә 220 урынга исәп­лән­гән мәдәният йорты төзү планлаштырыла. Республиканың барлык районнарында да мәдә­ният учакларын яңарту максатындагы әлеге программа нигезендә быел Мәлки авылында күп функцияле үзәк эшли башлады. Колаңгыдагы мәдәният йорты да шушы үзәк кебек булыр, дип фаразлана. Төзелешкә старт әле 2013 елда гына бирелергә тиеш булса да, аңа әзерлек эшләре башланып киткән инде. Колаңгы авыл җирлеге башлыгы Фидаил Нигъ­мәтҗанов әйтеп узганча, мәдәният учагының урынын мәктәп янәшәсендәге участоктан билгелә­гән­нәр. Ул урынны Казан шә­һәре проектчылары ка­рап кит­кән инде. Ә бу атнаның сишәмбесендә монда гео­логлар килде. "Татдорпроект"ның инженер-геологы Альфред Кор­банов, бораулаучы Владимир Кириллов, бораулаучы ярдәмчесе-шофер Раил Гыйниятуллин төзелешкә билгеләнгән мәйдандагы участокта скважина казып, туфракны анализга алды. Ул туфракны Казандагы бел­гечләр лабораториядә тикшереп, монда фундамент салырга, төзелеш алып барырга ярыймы-юкмы икәнлеген ачыклаячак.

    Нравится
    Поделиться:
    Реклама
    Комментарии (0)
    Осталось символов: