Фидан-Ләйлә: мәхәббәтме?

Гадәттә, зур йолдызлар безнең Кайбычка сирәк килә. Әмма Башкорстан һәм Татарстанның гына түгел, Россиянең халык артисты Фидан Гафаров белән популяр шагыйрә Ләйлә Дәүләтова гына түгел. Бу юлы да алар ике сәгатьлек тамаша дәвамында залдагыларны моңланырга, уйланырга, көлергә, хәтта еларга да мәҗбүр итте. Фидан абыйның җырлары бәгырьгә үтеп кереп, иң нечкә кылларны тибрәтә... Ләйләнең шигырьләре исә Мәхәббәт иленә алып кереп китә. Сәхнәдә алар, әйтерсең лә, бербөтен, аерылгысыз. Шуңа да сәхнәдә уйналган сөюгә ышанмый мөмкин түгел. Хәер, соңгы елларда аларның исемен янәшә күреп ияләшеп беттек бугай инде.

... Сүз уңаеннан, ул көнне Фидан әфәндене Олы Кайбычтагы җәмәгать үзәге бинасы янында да, чишмә буенда да күрүчеләр булган. Концерт тәмамлангач үзе әйткәнчә, Олы Кайбычны күзәтеп, халык белән аралашырга да өлгергән икән.

Концертның иң гүзәл мизгелләрен сез дә күрә аласыз.