Мәктәпләр яңа уку елына әзер

Анда Апас янгын күзәтүе бүлекчәсе хезмәткәрләре дә катнашты. 10-11 август көннәрендә мәктәп директорлары, район администрациясе, башкарма комитеты, район мәгариф бүлеге, санитар-эпидемиология станциясе, район янгын күзәтүе хезмәткәрләреннән торган махсус комиссия мәктәпләрнең яңа уку елына әзерлеген карап чыкты. Комиссия әгъзалары фикеренчә, быел мәк­тәп­ләрне яңа уку елына әзерләү буенча зур эш башкарылган. Узган ел янгын куркынычсызлыгы буенча хилафлыклар булган Олы Кайбыч, Зур Подберезье, Мәлки мәк­тәпләре дә барлык таләпләргә туры килерлек итеп эшләнгән.

Киңәшмә барышында Апас янгын күзәтүе бүлекчәсе хезмәткәрләре янгын куркынычсызлыгы таләпләре буенча инструктаж үткәрде.