Универсиадага әзерлек тулы көченә бара

Анда сүз 2013 елда Казан шәһәрендә үтәчәк студентларның XXVII бөтендөнья җәйге универсиада объектлары төзелеше хакында барды. Брифинг барышында ТР төзелеш архитектура һәм торак- коммуналь хуҗалыгы министры Ирек Фәйзуллин, аның урынбасары Владимир Леонов, ТР юл- транспорт төзелеше министры урынбасары Илшат Хәйруллин һәм башкалар универсиада объектларында төзелеш, реконструкция эшләре барышы турында сөйләделәр, журналистларның күпсанлы сорауларына җавап бирделәр.