Кайбычта яшьләр көне узды

Узган атнаның шимбәсендә бөтен ил күләмендә Яшьләр көнен билгеләп үттеләр. Бу көнне Кайбыч яшьләре Олы Кайбычтагы Сабан туе мәйданына җыелды. Бәйрәм "Президент белән бергә" хәрәкәте җитәкчесе Гөлнара Җиһаншина катнашында үтте.

Яшьләр булган җирдә уен-көлке, җыр-биюләр тынып тормый ул. Район яшьләр эшләре, спорт һәм физкультура бүлеге начальнигы Юрий Михайлов бәйрәм белән котлады, яшьләрнең районыбыз киләчәге булуына басым ясады, аларның хезмәттә дә, сәнгатьтә дә, спортта да сынатмавын әйтте. "Президент белән бергә" хәрәкәте активистлары спорт ярышларында җиңүчеләргә, җырчыларга сувенирлар да бүләк итте. Бәйрәм дискотека белән төгәлләнде.