Кайбыч таңнары
  • Рус Тат
  • Кайбыч укучылары татар теле һәм әдәбияты буенча халыкара олимпиаданың йомгаклау этабында катнашачак

    Татарстанда телләрне өйрәнү, саклау һәм үстерү программасы кысаларында оештырылучы олимпиаданың максаты - татар телен үстерү өчен яңа шартлар булдыру, Тукай телен Россиянең башка төбәкләрендә дә ныгыту. Бу әлеге тел бәйгесенең ни дәрәҗәдә мөһим булуын күрсәтә.

    Халыкара олимпиаданың онлайн-тест рәвешендә узган сайлап алу турында Иске Тәрбит урта гомумбелем бирү мәктәбенең 9-11 сыйныф укучылары да актив катнашты. Интернет-тест татар теле һәм әдәбияты, татар халкы тарихы һәм мәдәниятенә караган биремнәрне үз эченә алган. Онлайн-тестны уңышлы узучыларга тагын өстәмә биремнәр бирелде. Татарстандагы татар мәктәпләре арасында конкурска һәр сыйныфтан нибары җидешәр генә укучы сайлап алынган. Шунысы куанычлы: алар арасында Иске Тәрбит урта гомумбелем бирү мәктәбе укучылары Надежда Шапеева белән Ирина Иреева да бар. Татар теле һәм әдә­би­яты укытучысы Римма Васильева хәбәр иткәнчә, алар 23-27 апрельдә олимпиаданың йомгаклау турында көч сынашачак. Анда Россиянең төрле почмакларыннан, Үзбәкстаннан һәм башка чит илләрдән дә укучылар катнашуы көтелә.

    Нравится
    Поделиться:
    Реклама
    Комментарии (0)
    Осталось символов: