Поздравления
Соравыл авылында гомер итүче кадерле әтиебез Валерий Васильевич һәм әниебез Римма Робисовна Скворцовларның бергә яшәүләренә 30 ел тула, аларның энҗе туйлары
Кадерлеләребез! Сезне гомер юлындагы истәлекле энҗе туегыз белән чын күңелдән котлыйбыз. Сезгә булган рәхмәтләребезне сүз белән генә әйтеп бирергә мөмкин түгел. Безнең өчен һәрчак үрнәк сез, кешеләргә ихтирамлы булдыгыз. Сезгә сәламәтлек, озын гомер, шатлык-куанычлар, гаилә бәхете телибез. Без сезне бик яратабыз!
Сезгә язмыш бүләк иткән икән
Бергә-бергә гомер итәргә.
Сикәлтәле тормыш сукмаларын
Җитәкләшеп бергә үтәргә.
Җил-давылдан саклап кына
Үстердегез безне сез.
Шуңа да безнең өчен
Алтынга тиң кеше сез.
Бәйрәмегез белән котлап,
Әткәй, әнкәй, сезгә дәшәбез.
Һәрчак шулай безгә үрнәк булып,
Пар канатлар булып яшәгез.
Иң изге теләкләр белән: кызлары Лена, Даша, Юля һәм кияүләре Андрей, Евгений.
Нет комментариев