Ана – шәфкать диңгезе

Халыкара хатын-кызлар кө­не уңаеннан оештырылган әлеге чарага Зур Урсак мәктәбендә белем алучы укучыларның әниләре чакырылган иде. Иң элек мәктәп директоры Вәлиев Рифат Газизович әниләрне, укытучы хатын-кызларны һәм укучы кызларны якынлашып килүче бәйрәм белән тәбрик ит­те. Аннары укучылар бик матур, эчтәлекле концерт куйды, әниләренә из­ге теләкләрен теләп, бү­ләкләрен тапшырды.

Түгәрәк өстәлнең икенче өлеше исә рәсми төстә үт­те. Бүген балалар үстерү җиңел түгел, тормыш сынаулары көн саен чыгып кына тора. Әмма хатын-кыз, әни буларак, ул сынауларны җиңәргә үзен­дә көч һәм кодрәт, сабырлык һәм түземлек табарга тиеш. Әти-әниләрнең хокуклары, бурычлары булган кебек, балаларның да хокуклары зур, шул ук вакытта ата-анага җаваплылык йөкләнә. Дәү­ләт тарафыннан балалы гаиләләргә билгеле бер ярдәм күрсәтелә.Очрашуда әлеге ярдәмне алу, ягъни бала пособиесе, күп балалы гаилә­ләргә бирелүче субсидия- льгота түләнү тәртибе турында сөйләнде. Алга та­ба "Бала тәрбияләү элек һәм хәзер" дигән темага сөйләшү булды. Сөйлә­шү барышында хезмәт тәрбиясенең йогынтысы һәм балаларда җаваплылык хисе булдыру мәсьә­ләләре күтәрелде.

"Үсеп килүче буынны тәр­бияләүдә мәктәп һәм гаиләнең өстенлекләре" ди­гән темага мәктәп директоры Рифат Вәлиев чыгыш ясады. Ул ата-аналар белән үткәрелүче чаралар хакында сөй­ләде, балалар тәрбияләгәндә кулланылырга тиешле алтын кагыйдәләрне атады.

Балаларга тәрбия бирүдә диннең дә әһәмиятле роль уйнавын онытмаска кирәк. Нәкъ менә шуның өчен дә түгәрәк өстәлгә Зур Урсак авылы мәчетенең имам-хатыйбы Рә­фыйк Зарипов чакырылды. Ул исламда хатын-кызның ро­ле, балаларга дини тәр­бия би­рү, аларны сәла­мәт яшәү рәвешенә өйрә­тү, начар гадәтләрне - алкоголизм, тә­мә­ке тарту, наркоманияне, фахишәлекне булдырмау хакында сөйлә­де.

Әйе, чыннан да соңгы елларда әлеге чирләр, ае­руча хатын-кыз алкоголизмы, киң колач җәя, нәтиҗәдә, әлеге хатын-кызларның балалары кыенлык кичерә. Ана кеше үзенең балалары өчен җаваплылык тоеп яшәсен, ялгыш адымнар ясаудан саклансын иде. Очрашу башыннан ахырына ка­дәр шундый теләкләр белән сугарылды.