Һәркем белергә тиешле 6 фарыз

Әмма без, кешеләр генә, бүгенге көндә үз кыйблабызны югалтып, шушы ниг­ъмәтләрне безгә бирүче Аллаһы тәгаләне онытып, аның биргән нигъ­мәт­­лә­ренә тиешенчә рәхмәтләребезне әйтеп, ризалыгыбызны белдереп яшәмибез. Ә, киресенчә, дөнья нигъмәтләрен көннән-көн күбрәк кулланып, шул ризыкларны безгә бирүче хуҗабызның исеменнән дә, безнең өстебезгә куйган бөек вазыйфаларыннан читкә китәбез. Ә бит бу дөньяда һәрбер нәр­сә­нең үз тәртибе, яшәү кануннары бар. Аллаһы тә­га­лә безне бу дөньяда үзебезне генә калдырмады, без адашмасын, бәхетсезлеккә эләкмәвебез өчен үзенең Ила­һи китапларын бирде һәм аларның соңгысы - Коръәни кә­рим. Ул китапта Аллаһы тәгалә безгә файда китергән нәрсә­ләр­не тиешле кылды, зарар китергән нәрсәләр­не тыйды һәм алардан ерак торырга кушты. Аллаһы тәгаләнең һәрберебез өстенә йөклә­гән һәм аны үзебез генә үтәсәк, өстебездән төшә торган әмерләре бар. Шулай ук җәмгыятебез өс­тенә йөк­ләп, арабыздан берника­дәребез үтә­сә, калганнарыбызның өс­теннән төшә торган, ә беребез дә үтә­мәсә, бө­тен авыл гөнаһлы булып кала торган 6 фарыз кифая бар.

1. Берәү сәләм бирсә, аңа сәләм кайтару. 2. Берәү төчкереп, "Әлхәмдүлилләһи" дип әйтсә, аңа "Йәр­хәмүкәллаһу" дип җавап кайтару. 3. Берәү авырса, аның хәлен белергә ба­ру. 4. Берәү ашка чакырса, ашка бару. 5. Берәү эш­кә чакырса, эшкә бару. 6. Берәү үлә калса, аның җеназасына бару (ягъни кадер-хөрмәт белән кү­мү). Аллаһы тәгалә безнең һәркайсыбызга да өстебездә булган бурычларыбызны үтәп яшәргә насыйп итсен. Ә бит безнең вакытыбыз, саулыгыбыз булып та, шушы 6 фарызны үтәү­дән качып йөрсәк, Кыямәт көнендә Аллаһы тәгаләбезгә нәр­сә җавап бирә­чәк­без?

Олы Кайбычта

зиратында өмә

Олы Кайбыч авылы зиратында яңа һәм иске зиратны бүлеп торучы кабер­ләргә агачлар аву куркынычыннан чыгып, алар киселде. Шул агачларның ботакларын кисеп, чистарту эшләрен башкару өчен 17 февраль, як­шәмбе көнне ир­тән­ге 9:00 дән 12:00 сә­гатькә ка­дәр өмә оештырыла. Без авылыбыздагы ир-егет­ләрне бензин бе­лән эшләүче һәм гадәти пычкылар, балталар белән өмәгә чакырабыз.