Изге Рамазан аенда

Алдагы елларда да Төркия кунакларын Татарстан Диния нәзарәте безгә юлламый калмый иде, инде менә быел да, мөхтәсибебез Дамир хәзрәт Гыйниятуллинның үтенечен канәгатьләндереп, Карс шәһәреннән дин әһелен үзебездә кунак итәргә насыйп булды. Тугандаш халык вәкиле көндәлек биш намаз, җомга намазларын, икенде, тәравих намазларын да алып барачак. Коръән укуда булган кимчелекләр өстендә эшләргә теләүчеләр белән дә шөгыль­лә­нәчәк, авылларга да ифтар мәҗлесләрендә дә катнашырга теләге бар.

- Олы Кайбыч авылында ифтар мәҗлесе оештыруга килгәндә, 27 июль­дә һәм 3 августа мәчеттә Рамил Гарәфетдинов, Фә­нис Камалиев иганәчелек ярдәме белән оештырырга ниятлибез, - диде имам-мөхтәсибебез. Ул шулай ук Кайбыч мөхтә­си­бәте оешуга 15 ел тулу уңаеннан район үзәгендә ифтар мәҗлесе оештырылачагын белдерде. Ни шатлык, бу вакыйга да изге Рамазан аена, 16 августка туры килә!