Сәдака бирү Аллаһның ачуын сүндерә

Аллаһы Тәгалә Коръәни Кә­римнең Зәәрийәть сү­рә­се, 56 аятендә әйтә: "Һичшиксез җеннәрне һәм кешеләрне миңа гыйбадәт итсеннәр дип яраттым". Димәк, адәм баласы гыйбадәт өчен яра­тылган. Кайбер кешеләр "гый­ба­дәт сүзе нәр­сә­не аң­лата?" дип сорау бирергә мөмкин. Гыйбадәт ул намаз уку, сәдака би­рү, хаҗга ба­ру, ураза то­ту, гөнаһлардан саклану, ягъ­ни, бер сүз бе­лән әйт­кән­дә, Аллаһының ризалыгын өмет итеп, изгелекләр эшләү - барысы да гыйбадәт булып санала.

Раббыбыз Аллаһы Тәга­лә Коръәни Кәримдә Маи­дә сүрәсе, 2 нче аятендә әйтә: «Игелек итүдә, яман эш кылудан саклануда бер-берегезгә ярдәмләшегез. Гөнаһ кылуда, дошманлык эшләрендә ярдәмләшмәгез. Гө­наһлы булып, Аллаһ каршысында җавап бирүдән куркыгыз. Аллаһның җәзасы бик тә хәтәр булыр». Ме­нә бу аяттә күрәбез Аллаһы Тә­галә безгә яхшылыкта изгелектә бер беребезгә ярдәм итүдә бер­ләшергә боера.

Сәдака бирүнең файдасы, бирүчегә күбрәк файда бе­лән әй­ләнеп кайтачак, чөнки сөекле Пәйгамбәребез с.г.в. бер хәдисендә әйт­те: «Өс­тә­ге кул астагы кулдан хәерлерәк», - диде. Сәдака бирү Аллаһның ачуын сүндерә. Гөнаһларыбыз өчен килә торган бәла-казаларга пәрдә бу­ла һәм киләчәктә үзебезне һәм киләчәк буыннарны төрле афәтләрдән, бәла­ләр­дән дә имин кылачак. Раббыбыз Аллаһ - юмарт зат һәм юмартларны ярата, җән­­нәткә дә беренче булып юмартлар керәчәк.

Әллә Аллаһы Тәгалә те­лә­сә мохтаҗларга һәм авыруларга булыша алмый, дип уйлыйбызмы? Һичшиксез ярдәменнән ташламый. Әмма Аллаһы Тәгалә без­не сыный. Шайтан, без сәдака бирергә теләгәндә дә, әйтә: «Бир­мә, малың бетә бит, азая», - ди. Без онытмаска тиеш: малны шайтан тү­гел, ә Аллаһы Тәгалә бирә. Ал­лаһ сабырлар һәм юмартлар, игелекле бәндәләр бе­лән. Бу турыда "Фус­сый­ләт" сүрәсенең 30-32 нче аятьләрендә Аллаһы Тәгалә әйтә: "Дө­рес­лектә, иман китергән кешеләр: безнең тәрбиячебез - Аллаһ, диярләр, соңыннан тормышта Аллаһ кушканнарын үтәп, тыйганнарыннан тыелып яшәрләр, үлгән вакытларында аларга рәхмәт фә­рештәләре иңәр, сез хак мөэминнәр, үлемнән вә ахи­рәттән курыкмагыз һәм дө­ньяда калган якыннарыгыз өчен дә көенмәгез, бәлки үзегезгә вәгъдә ителгән җәннәт белән шатланыгыз, диярләр. Сезнең белән дөньяда һәм ахи­рәттә дусларбыз, сезне адашып һәлак булуыгыздан сакларбыз, үзегезгә хәзер­лән­гән җән­нәттә кү­ңелләре­гез ни теләсә, шулар булыр, ягъни анда ни сорасагыз, шул бирелер. Бөтен гө­наһларыгыз ярлыканган хәлдә, Аллаһның җәннәт­ләренә керерсез", - дияр­ләр.

"Кайбыч таңнары" газетасыннан Зур Урсак авылының Амалия исемле нәни кызына ярдәм кулы сузарга кирәклеген укып белдек. Изге эшкә имамнарыбыз, мө­селман кардәшләребез дә теләп кушылды. Әгәр ярдәм кулы сузарга теләсәгез, сәдаканы үз авылыгыздагы имамга тапшыра аласыз, ә имамнар үз чиратында бу хәерне 4 декабрь көнне Амалиянең әнисенә тапшырачаклар.