Якташларга бергә яхшырак

Халыклар дуслыгы йортында үткән әлеге очрашуда район башлыгы Альберт Рәхмәтуллин, урынбасары Рәмис Хәялиев, "Кайбыч" якташлык җәмгыяте рәисе Артур Поляков, Татарстан Республикасы Дәүләт Советы депутаты, генерал-майор Рафил Ногманов, эшмәкәр Рамил Закиров, Андрей Куфелкин, җырчы Лидия Әхмәтова һәм башкалар катнашты. Туган җирләреннән читтә яшәүче якташларны берләштерүче утырышта 2013 елга яңа бурычлар билгеләнде, район туган көнен үткәрү турында фикер алыштылар. Лидия Әхмәтова опера җырларын яшь башкаручылар арасында 24 апрельдә Казанда узачак беренче халыкара фестиваль турында сөйләде, анда якташларыбызны да чакырды.